ការផ្លាស់ប្តូរគឺជាសញ្ញានៃការលូតលាស់។ នៅថ្ងៃនេះ ក្រុមហ៊ុន HCC (Harvest Center Cambodia) មានក្តីសោមនស្សរីករាយយ៉ាងក្រៃលែងក្នុងការប្រកាសដាក់ឱ្យប្រើប្រាស់នូវនិមិត្តសញ្ញា (Logo) ថ្មីរបស់យើងជាផ្លូវការ ជូនដល់អតិថិជន និងដៃគូសហការដ៏មានតម្លៃទាំងអស់។
អត្តសញ្ញាណថ្មីដែលបានកែប្រែឱ្យស្រស់បំព្រងនេះ បានឆ្លុះបញ្ចាំងពីការរចនាបែបទំនើប និងលេចធ្លោ ដែលធ្វើឱ្យយើងមានភាពខុសប្លែកពីគេនៅក្នុងទីផ្សារ។ យើងកំពុងកំណត់និយមន័យនៃខ្លួនយើងឡើងវិញ ជាមួយនឹងរូបភាពម៉ាកសញ្ញាដ៏រឹងមាំ និងច្បាស់លាស់ជាងមុន ដែលមិនអាចច្រឡំជាមួយអ្នកដទៃបានឡើយ។ អមជាមួយរូបរាងថ្មីរបស់យើង យើងក៏បានពង្រីកផលិតផល និងសេវាកម្មបន្ថែមទៀត ដោយដាក់បង្ហាញនូវគ្រឿងចក្រ និងបច្ចេកវិទ្យាកសិកម្មទំនើបៗជាច្រើន រួមមាន៖ ដ្រូនកសិកម្ម DJI សម្រាប់បាញ់ថ្នាំ និងបាចជីទំនើប, ត្រាក់ទ័រ CLAAS ដែលល្បីល្បាញដោយសារកម្លាំង ភាពធន់ និងប្រសិទ្ធភាព, ប្រព័ន្ធតម្រង់ទិសស្វ័យប្រវត្តិ CHCNAV សម្រាប់បើកបរដោយស្វ័យប្រវត្តិ និងកាត់បន្ថយការអត់ងងុយ ឬហត់នឿយរបស់អ្នកបើកបរ, ម៉ាស៊ីនឌីសែល CHANGCHAI ដែលមានសមត្ថភាពខ្ពស់ និងអាចប្រើយ៉ាងទូលំទូលាយ, ព្រមទាំងសេវាកម្មហិរញ្ញប្បទានលើលិខិតទទួលទំនិញក្នុងឃ្លាំង (Warehouse Receipt Financing) និងការគ្រប់គ្រងទ្រព្យធានា ដើម្បីគាំទ្រដល់ការស្តុកគ្រាប់ស្វាយចន្ទី និងតម្រូវការដើមទុនបង្វិល។
ទោះបីជានិមិត្តសញ្ញារបស់យើងត្រូវបានផ្លាស់ប្តូរក៏ដោយ ប៉ុន្តែបេសកកម្ម និងការប្តេជ្ញាចិត្តរបស់យើងនៅតែដដែល គឺ៖ ឈរនៅក្បែរកសិករ ដើម្បីជម្រុញការលូតលាស់នៃវិស័យកសិកម្មនៅកម្ពុជា។ យើងនៅតែបន្តធ្វើជាដៃគូដ៏គួរឱ្យទុកចិត្ត ក្នុងការផ្តល់ជូននូវបច្ចេកវិទ្យាកសិកម្មឈានមុខ និងសេវាកម្មដែលមានគុណភាពខ្ពស់។ យើងសូមថ្លែងអំណរគុណយ៉ាងជ្រាលជ្រៅចំពោះអតិថិជនទាំងអស់ សម្រាប់ការទុកចិត្ត និងការគាំទ្រជាបន្តបន្ទាប់ — HCC តែងតែស្ថិតនៅក្បែរកសិករខ្មែរជានិច្ច។